Авто машин тоноглолын үйл ажиллагаа явуулдаг аж ахуй нэгжүүдийн дунд 3-н жилд нэг удаа зохион байгууллагддаг Autotuning үзэсгэлэн худалдаанд Энх-Ундар ХХК-тай хамтран ивээн тэтгэгч байгууллагаар оролцов. Уг арга хэмжээ нь аравдугаар сарын 14,15-нд Наадам центрт зохион байгуулагдсан бөгөөд Шоунд манай улсад байгаа хамгийн үнэтэй, ховор содон хэв, маягийг өөрчилж тоноглосон 200 автомашин, мотоцикл оролцсон. МОНСУЛЬ ХХК нь авто машин сонирхогчдын дунд уралдаан зарлаж 2 азтанг шалгаруулж байгууллагынхаа нэрийн шагнал болох тус бүр 100 литр шатахуун авах эрхийн бичиг гардуулав.